NM 2023 Trippel | Triple trippelmeistrar
Å vera med, å gjera det godt og å gå langt i eit NM heng naturlegvis svært høgt i alle øvingar, men aller høgst heng det når ein kjem fram til laurdagen og trippeløvinga. I år tok 120 spelarar fordelt på 40 lag frå ikkje færre enn 13 klubbar del i tevlinga om Hans Majestets Kongens pokal.
Aller størst forventningar på førehand var det kan hende til dei fire knallsterke trioane frå Groruddalen Petanqueklubb, i tillegg til fleire av medaljegrossistane i Oslo Petanque Club. Max Carlström-Refsum, Marius Wang og Marius Breimo vann til dømes kongepokalen både i 2019 og 2021, og dei var naturleg nok interesserte i å halda fram med å vinna annakvart år.
Etter fire rundar Swiss var OPC-trioen oppskriftsmessig vidare med tre sigrar, men aller øvst og utan tap så langt fann ein tre andre lag:
Charlotte Jayer, Youssef Taoubane og Simohamed Menzhi har gjort det skarpt i denne øvinga tidlegare og kvalifiserte seg for åttandedelsfinalane som beste lag. Like bak fann ein Fredrikstad-karane Zoran Puvacha, Stefan Løvaas og Aleksandar Obradovic, som òg hadde gjort kort prosess med alle motstandarane sine i dei innleiande rundane. Det same gjorde Jean Jaques Razaka, Rivosoa Dadatoa og Svein Bruu, som jamvel fekk med seg ein skikkeleg skalp på vegen då dei gjekk sigrande ut av prestisjebataljen mot Bastien Testaniere, Gabriel Gjengstø Bel-Lafkih og Benny Bel-Lafkih. Tønsberg Turnforening stilte med eitt lag, og Erik Brunsell, Dag Andersen og Edith Andersen imponerte mange då dei tok seg vidare til sluttspelet. At dei til og med skulle slå Ranu Homnian, Robert Pettersen og Jean Espic på vegen gjer ikkje prestasjonen mindre imponerande.
Interessant nok enda Gisle Hjelmen, som "alltid" ryk ut med minst mogleg margin når han speler Swiss, seinast i singelkonkurransen på fredag, med å kvalifisera seg for sluttspelet saman med sine lagkameratar Jarle Larsen og Andrew Nyoni som siste lag.
Og nettopp SPK-trioen Hjelmen, Larsen og Nyoni stod for den største skrellen når seksten lag skulle bli til åtte i åttandedelsfinalane. Dei slo førsteseeda Jayer/Taoubane/Menzhi heile 13-3 og vart med det eitt av to Stord-lag som kvalifiserte seg for kvartfinalane, saman med Kjell Arne Presthaug, Børge Presthaug og Sigurd Sævareid. Dei to laga vart nøydde til å forsvara vestlandets ære på eigahand, då BPKs håp Presthus/Johannesen/Elharrar rauk på tap i møte med Eli Gjengstø, Lars Storaker Bruu og Ole Hågensen. Familietrioen Olsen frå Follo, som etter dei innleiande rundane var usikre på om dei hadde greidd å ta seg vidare, imponerte òg stort med å slå Razaka/Dadatoa/Bruu. Det stødige FPK-laget var likevel ikkje ferdige med å imponera og overraska for dagen.
I kvartfinalen sin styrte dei på ny inn til siger, denne gongen mot GPK-laget Gjengstø/Storaker Bruu/Hågensen, og medaljen var eit faktum.
Medalje vart det ikkje for Benny Bel-Lafkih, Gabriel Gjengstø Bel-Lafkih og Bastien Testaniere, som måtte gje tapt mot ein annan førehandsfavoritt, nemleg Breimo, Wang og Carlström-Refsum. Tungvektsbataljen enda 13-12, og igjen viste det seg at OPC-laget skulle vera vanskelege å få has på i oddetalsår. I dei andre kvartfinaleoppgjera vart Homniam/Pettersen/Espic for sterke for Hjelmen/Larsen/Nyoni, medan Presthaug/Presthaug/Sævareid sikra at kongepokalhåpet framleis levde på Stord ved å slå det til då ubesigra Fredrikstad-laget Puvacha/Løvaas/Obradovic med solide 13-7.
I semifinalane fekk ein med det både eit møte mellom to av dei store førehandsfavorittane og eit oppgjer mellom to lag som stod utan trippelmedaljar før dagen. I semifinalen mellom Homnian/Pettersen/Espic og Breimo/Want/Carlström-Refsum var det til tider uvanleg mange kuler i spel for to lag som er så skyteglade, og det kongepokaljagande OPC-laget hadde lenge initiativet. GPK-trioen slo litt tilbake, men det vart til slutt for vanskeleg å stå imot karane frå Oslo, som sikra seg finalebilletten med eit siste velplassert skot. I den andre semifinalen var det SPK-laget som hadde overtaket i starten, utan at det let til å vippa Follo av pinnen. Maria Olsen viste at det langt frå var tilfeldig at ho tok medalje i singel dagen før, Arne Olsen la inn kule etter kule, og Egil Olsen skaut vekk det SPK måtte få inn av brysame kuler. Den høginteressante semifinalen enda 13-11 til FPK-trioen, som med det skulle kjempa om kongepokalen.
Ein favoritt mot ein underdog - og det i sjølvaste trippelfinalen. Dei som håpte på ein skrell fekk seg tidleg ein kalddusj, for Breimo, Wang og Carlström-Refsum viste ingen nåde og gjekk tidleg opp i 7-0. Men så: To grisar, ni Follo-poeng, 9-7, og plutseleg såg det ut til at den tredje kongepokalen skulle ryka for sigersvande OPC-spelarar. Dei vanlegvis solide skota sat ikkje der dei skulle, og Follo heldt fram med å skapa trøbbel for favorittane. I dei påfølgjande rundane løyste derimot Oslo-laget utfordringane betre, og når dei til slutt fekk ei opning etter eit par sjeldne upresise legg frå FPK, nytta dei høvet.
Max Carlström-Refsum, som ikkje fekk skytinga til å sitja som vanleg i kampen elles, avslutta passande nok med ein flott carreau. 13-9 til OPC og den tredje kongepokalen til Marius Breimo, Marius Wang og Max Carlström-Refsum, som med det framleis kan seia at dei vinn trippelen i NM annakvart år. Det vil definitivt vera dumt å avskriva dei i 2025 òg!
NM Trippel Åpen 2023
1. Max Carlström-Refsum,Marius Wang,Marius Breimo,Oslo Petanque Club
2. Arne Olsen,Egil Olsen,Maria Olsen,Follo Petanca Klubb
3. Ranu Homniam,Robert Pettersen,Jean Espic,Groruddalen Petanque Klubb
3. Kjell Arne Presthaug,Sigurd Sævareid,Børge Presthaug,Stord Petanqueklubb
5-8. plass
Eli R Gjengstø,Lars Storaker Bruu,Ole Hågensen,Groruddalen Petanque Klubb
Jarle Larsen,Andrew Nyoni,Gisle Hjelmen,Stord Petanqueklubb
Bastien Testaniere,Gabriel G Bel-Lafkih,Benny Bel-Lafkih,Groruddalen Petanque Klubb
Zoran Puvacha,Stefan Løvaas,Aleksandar Obradovic,Boule Fredrik II
9-16. plass
Charlotte Jayer,Youssef Taoubane,Simohamed Menzhi,Groruddalen Petanque Klubb
Larry Young,Per Klevenberg,Oddvar Karlsen,Follo Petanca Klubb
Steinar Friberg, Freddy Friberg, Rune Nilsen,Boule Fredrik II
Gunvor Berge,Vilde Berge-Vidnes,Lars Fjæreide,Oslo Petanque Club
Jean Jaques Razaka,Rivosoa Dadatoa,Svein Bruu,Oslo Petanque Club
Mari Presthus,Mostafa Elharrar,Øystein Johannesen,Bergen Petanqueklubb
Camel Benkheira,Mili Selimovic,Mustapha Djebrouni,Oslo Petanque Club
Erik Brunsell,Dag Andersen,Edith Andersen,Tønsbergs Turnforening
Øvrige lag
Roger Thiger,Rune Solevåg,Bagher Portazedi,Stord Petanqueklubb
Are Rystad,Bjørn Arne Nordhagen,Johnny Skjørberg,Holmestrand Petanque Klubb
Bjørg Riibe Ramskjell,Marit Helen Hansen,Line Karlsen,Saltdal Petanqueklubb
Eva Fjære,Edvart Fjære,Roger Wold,Stokke IL
Elisabeth Trolldalen,Tom Roger Engblom,Sverre Meisingset,Stokke IL
Fred Olaf Korsgården,Arild Eliassen,Jan Erik Jensen,Holmestrand Petanque Klubb
Grethe Ramsdal,Robert Svendsen,Kjell Olav Flatmo,Stord Petanqueklubb
Heidi Skjørberg Nilsen,Veronica Mathiesen,Anette Røkenes,Holmestrand Petanque Klubb
Jan Egil Andresen,Einar Skancke,Øystein Kruge,Oslo Petanque Club
Lars Kiplesund,Ingvild Kiplesund,Vetle Kiplesund,Hamar og Elverum
Lisbeth Johannesen,Per Vidar Johannesen,Sissel June Lekven,Stord Petanqueklubb
Lise Østby,Nina Augustin,Tronn Kleven,Boule Fredrik II
Morten Jensen,Knut Dahl,Jan A Holm,Sinsen Petanque
Pål Johansen,Øyvind Bjørkås,Per Svein Sakseid,Stord Petanqueklubb,21
Ståle Baksetersveen,Svein Erik Johansen,Bjørnar Endal,Holmestrand Petanque Klubb
Pål Liaker Holm,Johnny Johansen,Ole Evenstad,Follo Petanca Klubb
Ragnar Weseth,Øyvind Gundersen,Rune Andersen,Sinsen Petanque
Rolf Bjercke,Daniel Hushovd,Arnstein Barstad,Holmestrand Petanque Klubb
Rolf Hermansen,Atle Andersen,Odd Porsmyr,Boule Fredrik II
Rolf Stordahl,Enver Zecic,Ib Asger Andersen,Boule Fredrik II
Thor E Kise,Sondre Kise,Jardar Kise,Hamar og Elverum
Toini Hoel,Berit Sæbø,Linda Jørgensen,Bergen Petanqueklubb
Tom Johansen,Ronny Gudmundsen,Lisbeth Fossen,Økern Petanque Club
Trond Sandvik,Per Geir Vatna,Rolf Ekre,Stord Petanqueklubb
